" ချစ်တဲ့ သား "



ချစ်တဲ့…သား.......

လူ့ဘ၀ဆိုတာ အနိစ္စကျလွန်းပါတယ်။ ဘယ်သူ့မှ ကိုယ်ဘယ်လောက်ကြာကြာ အသက်ရှင်နိုင်လိမ့်မယ်လို့ ခန့်မှန်းလို့ မရပါဘူး။ အချို့ ပြောချင်တဲ့ စကားဆိုတာ ပြောထားမှ တော်ကာ ကျမယ်။

ငါ့ကမင်းအဖေမို့လို့ အဲလိုပြောနေတာ။ ငါမပြောဘူးဆိုရင် ဘယ်သူမှ မင်းနဲ့ ဒီစကားတွေ ပြောမှာ မဟုတ်ဘူး။

ဒီစကားတွေ တော်တော်များများဟာ ဖေဖေရဲ့ အတွေ့အကြုံတွေနဲ့ အခက်အခဲ ဒုက္ခများစွာ ကို ကျော်ဖြတ်ပြီးမှ သဘောပေါက် အသိ န့ဲ သိလာတဲ့ အသိတွေပါ။ မင်းသာ လိုက်နာမယ်ဆိုရင် အနည်းဆုံးတော့ မင်းဘ၀မှာ လမ်းကွေ့ လမ်းကောက်တွေ ရှောင်ကွင်းလို့ ရတာပေါ့။

၁။ မင်းအပေါ်မကောင်းတဲ့လူူ ရှိခဲ့ရင် စိိတ်ထဲမှာ သိပ်အရေး စိုက်စရာ မလိုပါဘူး၊ မင်းမိဘကလွှဲရင် မင်းအပေါ် ဘယ်သူမှ ကောင်းဖို့ တာ၀န်မရှိပါဘူး။ ဒါပေမဲ့ မင်းအပေါ် ကောင်းတဲ့ လူ ပေါ်လာရင် တန်ဖိုးထားရပါ့ မယ်။ ကျေးဇူးသိ ရပါမယ်။

၂။ လောကကြီးမှာ အစားထိုးလို့ မရတဲ့လူ မရှိသလို၊ မရှိရင် လုံး၀မဖြစ်တဲ့ ပစ္စည်းဥစ္စာ ဆိုတာ မရှိပါဘူး။ ဒီစကားကို အကြိမ်ကြိမ် စဉ်းစားပါ။ ဆင်ခြင်ပါ။ သုံးသပ်ပါ။ ဒါ ကိုနားလည်သွားရင် နောင်သား ဘ၀တစ်လျှောက်လုံး မှာ ဘာကိုပဲ ဆုံးရူံး ဆုံးရူံး ၊ ခံနိုင်ရည် ရှိသွားပါလိမ့်မယ်။

၃။ ဘ၀ဆိုတာ အင်မတန်မှ တိုတောင်းပါတယ်။ သားဒီကနေ့ ဘ၀ကို ဖြုန်းတီးနေသေးရင် မနက်ဖန် ကျရင် ဘ၀က သားကို ပြန်ဖြုန်းတီးပါလိမ့်မယ်။ ဒါကြောင့်မို့လို့ ဘ၀မှာ ရှိတဲ့အချိိန်ကို စောစော တန်ဖိုးထားတတ်လေ ဘ၀အတွက်အကျိုးရှိလေပါ သား။

၄။ ၁၅၀၀ အချစ် ဆိုတာ ခံစားမူ တစ်မျိုးပါ။ ဒီခံစားမူမျိုး ဆိုတာ အချိန်နဲ့ စိတ်နေစိတ်ထားပေါ် မူတည်ပြီး ပြောင်းလဲတတ်ပါတယ်။ တကယ်လို့ မင်းအချစ်ဆုံးလူက မင်းကို စွန့်ခွာသွားတယ်ဆိုရင် ခဏ လေးအချိန်ကို စောင့်ဆိုင်းလိုက်ပါ။ အချိန်က အရာရာကို ကုစားသွားပါလိမ့်မယ်။ ရုပ်ရှင် တီဗွီ ဇာတ်လမ်းထဲကလို အချစ်အကြောင်း ကို တအားစိတ်ကူး မယာဉ်သင့်လို၊ အသဲကွဲတဲ့ ဒုက္ခကိုလည်း ပုံကြီးမချဲ့ သင့်ပါ။

၅။ အခုအပြင်မှာ အောင်မြင်နေတဲ့ ပုဂ္ဂိုလ် တော်တော်များများ ပညာအများကြီး မတတ်တာမှန်ပါတယ်။ ဒါပေမဲ့ အဲဒါကို အားကျပြီး သားပညာမသင်လည်းရတယ်ဆိုတာမျိုး မဆိုလိုပါဘူး။ သားသင်လိုက်တဲ့ ပညာဗဟုသုတတွေဟာ သားဘ၀အတွက် လက်နက်ပါ။ လူဆိုတာ ဘ၀အောက်ခြေကနေ အောင်မြင်အောင်ကြိုးစားလို့ ရတယ်ဆိုပေမဲ့ လက်ထဲမှာတော့ ပညာဆိုတဲ့ လက်နက် ရှိရပါမယ်။

၆။ ဖေဖေ အသက်ကြီးလာလို့ သားအဖေကို လုပ်ကျွေးရမယ်လို့ ဖေဖေ မတောင်းဆိုပါဘူး။ သားအရွယ်ရောက်လာရင်လည်း ဖေဖေက ဆက်မထောက်ပံနိုင် သလိုပေါ့။ သားကိုယ့်ခြေထောက်ကို ကိုယ်ရပ်တည် နိုင်တဲ့ တစ်နေ့ ကျရင် ဖေဖေ တာ၀န်ကျေပါပြီ။ နောင် သားကမြေပဲလျှိုးလျှိုး မိုးပဲပျံပျံ သားကိုယ့်ကို ကို ပဲ အားကိုးရမယ်။ တာ၀န်ယူရလိမ့်မယ်။

ရ။ သားက ကိုယ့်ကိိုကို ဂတိတည်ဖို့ စောင့်ထိန်းရပါမယ်။ ဒါပေမဲ့ သူများကို ဂတိတည်ဖို့ မတောင်းဆိုရဘူး။ ကိုယ်သူများအပေါ်ကောင်းဖို့ ကြိုးစားရပါမယ် ။ သူများ ကိုယ့်အပေါ် ကောင်းရမယ်လို့ မတောင်းဆိုရဘူး။ ကိုယ်သူများကို ဘယ်လိုပြုမူရင် သူများက ကိုယ့်ကို ဘယ်လို တုန့်ပြန်ရမယ်လို့ လုံး၀မဆိုလိုပါဘူး။ ဒီသဘောတရား ကို သားက နားလည်ထားရင် ဘ၀မှာ စိတ်အနောက်အယှက် တော်တော်နည်းသွားပါလိမ့်မယ်။

၈။ ဖေဖေ ထီထိုးတာ ဝါသနာပါဖူးပါတယ်။ ဖေဖေ အစိုးရထီတင်မကဘူး၊ နှစ်လုံးထီ၊ သုံးလုံးထီ အကုန်ထိုးဖူးတယ်။ ဒါပေမဲ့ ကောင်းကောင်းမပေါက်ဖူးသလို ဖေဖေ အခုထိလည်း မချမ်းသာသေးပါဘူး။ ဒါတစ်ခု ကို သက်သေပြသွားပါတယ်။ အောင်မြင်ချင်ရင် လက်တွေ့ကျကျ ကြိုးစားမှရမယ်။ ကံကိုမျှော်ပြီး ဟိုယုံ ဒီယုံ နဲ့ နောက်ဆုံးတော့ အဖေ့လိုပဲ အချိန်တာ ကုန်သွားမယ်။ ဘာမှ မယ်မယ်ရရ ဖြစ်လာမှာ မဟုတ်ပါဘူး။

၉။ လူလူချင်းဆိုတာ ဘ၀ရေစက် ရှိလို့ မိသားစု ၀င်လာဖြစ်လာရတာပါ။ ဒီရေစက်ကို လုံး၀တန်ဖိုးထားရပါမယ်။ ဒီဘ၀မှာ ငါတို့ ချစ်တယ်ဖြစ်စေ၊ မုန်းတယ်ဖြစ်စေ၊ နောင်ဘ၀မှာ တွေ့နိုင်စရာ အကြောင်းမရှိပါဘူး။ ရှိတဲ့အခိျန်ကို တန်ဖိုးထားကြရအောင်နော်…