“ ပါးချိုင့်လေး ”

"ပါးချိုင့်လေး"
____________
အမြဲစိမ်းတောလို စိမ်းလန်းစိုပြေနေတဲ့
သူမရဲ့ ပါးချိုင့်လေးထဲမှာ
ကျနော့်ဘဝရဲ့အရာအားလုံးရှိတယ် ...

ပင်လယ်ခြိမ်းသံတွေ ၊
တောင်တန်းအချင်းချင်းခတ်သံတွေကအစ ..,
ဖြူလွှလွှ ဆောင်းရာသီတစ်ခုလုံး
အဲဒီ ပါးချိုင့်လေးထဲမှာရှိတယ် ...

သူမ ... မပြုံးတော့ မရယ်တော့မှာကို
ကြောက်ရတဲ့ ကျနော့်ရဲ့အကြောက်တရားဟာ
သံသရာဝဋ်ဆင်းရဲခြင်းက
ဘယ်တော့မှ လွတ်မှာမဟုတ်ဘူး ...

မြို့ရိုးအထပ်ထပ် ၊စစ်သည်အထပ်ထပ်နဲ့
သူမရဲ့ပါးချိုင့်လေးကို
သိမ်းပိုက်ဖို့က သိပ်ခက်တယ် ...

မုတ်သုန်မိုးစက်တွေလို စွတ်စိုအေးမြနေတဲ့
သူမရဲ့ ပါးချိုင့်လေးထဲမှာ
ကျနော့်ဘဝရဲ့အရာအားလုံးရှိတယ် ...

လူငယ်တစ်ယောက်ရဲ့ ရဲရင့်မှုတွေ ၊
လူငယ်တစ်ယောက်ပိုင်တဲ့ အိပ်မက်အရှင်တွေကအစ ..,
ပြင်းပြင်းရှရှ ချစ်ခြင်းမေတ္တာတွေအဆုံး
အဲဒီ ပါးချိုင့်လေးထဲမှာ ရှိတယ် ...

အဲဒီ ________
သူမရဲ့ပါးချိုင့်လေးထဲမှာ_______
အဏုမြူဗုံးတစ်လုံးလို အထိအပွန်းခံလို့မဖြစ်တဲ့
ကျနော့်ဘဝရဲ့ အရာအားလုံးရှိတယ် ... ။ ။
-
#ဝေးရာငြိမ်