လမ်းလျှောက်ထွက်ရအောင်

 

လာပါ ...

ခေါင်းငုံ့ပြီး ငိုနေတာထက်စာရင်

မျက်ရည်သုတ်ပြီး

လမ်းလျှောက်ထွက်ရအောင်

ပတ်ဝန်းကျင်ကိုကြည့်ပါ

မင်းထက်ပိုပြီး ခက်ခဲနေတဲ့ လူတွေ

အများကြီး ရှိတယ်။

သူတို့ ဘဝအတွက် 

သူတို့ စားဝတ်နေရေး အတွက်

ခက်ခက်ခဲခဲ အသည်းအသန် ရုန်းကန် 

နေကြတာကို 

မင်း တွေ့ရလိမ့်မယ် ။

မင်းက သူတို့လောက် 

ခက်ခဲ နေတာ မဟုတ်ပါဘူး။

အနည်းဆုံးတော့

ထမင်း နပ်မှန်အောင် စားနေရသေးတယ် မဟုတ်လား ...?

လာပါ လမ်းလျှောက်ထွက်ရအောင် ....!